Տպել
ԱՄՆ-ի նախագահ Դոնալդ Թրամփը շնորհակալություն է հայտնել ՌԴ նախագահ Վլադիմիր Պուտինին Ռուսաստանում Միացյալ Նահանգների դիվանագիտական ներկայացուցչության աշխատակիցների թիվը կրճատելու որոշման համար, տեղեկացնում է BBC-ին:
«Այդպես մենք շատ փող կտնտեսենք»,- ասել է Թրամփը՝ ելույթ ունենալով Նյու Ջերսիի գոլֆ-ակումբում՝ պատասխանելով Պուտինին հնարավոր պատասխանի վերաբերյալ հարցին: «Ես ցանկանում եմ նրան ասել շնորհակալություն, որովհետեւ մենք հենց այժմ փորձում ենք կրճատել անձնակազմի ծախսերը: Իսկ ինչ վերաբերում է ինձ, ես շնորհակալ եմ նրան, որ նա բավականաչափ շատ մարդկանց ազատեց, եւ այժմ մեր ծախսերն ավելի քիչ են»,- մեկնաբանել է Թրամփը Ռուսաստանի հետ կապված դիվանագիտական սկանդալը:
Հուլիսի վերջին Պուտինը որոշեց կտրուկ կրճատել Ռուսաստանում ԱՄՆ-ի դեսպանության հաստիքակազմը եւ ԱՄՆ-ի դեմ հակապատժամիջոցների շրջանակներում երկրում ամերիկացի դիվանագիտական ներկայացուցիչների թիվը կրճատել 755-ով:
Թրամփի հայտարարությունը հակասում Է ԱՄՆ-ի Պետդեպարտամենտի դիրքորոշմանը, որն ափսոսանք է հայտնել «չարդարացված միջոցառման» կապակցությամբ:
