Տպել
Մինչ ԱԻՆ-ն ու մյուս պետական կառույցները պայքարում են Խոսրովի արգելոցի հրդեհի դեմ, սոցիալական ցանցերում Խոսրովին զուգահեռ քննարկվում է նաև Արտավանի հրդեհի թեման։
Հիշեցնենք, որ օգոստոսի 10-ին հրդեհ է բռնկվել Վայոց ձորի մարզում՝ Արտավանում։ Նույն մարզում է գտնվում նաև Ամուլսարի հանքավայրը, որտեղ ներկայումս շինարարություն է իրականացնում Լիդիան Արմենիա ընկերությունը։ Մեծ լսարան ունեցող մի քանի օգտատերերի էջերում քննարկվում էր այն հարցը, թե արդյոք հրդեհի վայրը մո՞տ է Ամուլսարի հանքի ծրագրին։ Կամ (եթե տողատակերը բացենք)՝ Ամուլսարի ծրագրին ձեռնտո՞ւ էր այդ հրդեհը։ Հարցի ենթատեքստը պարզ է։
Քանի որ թեման շատերին է հետաքրքրում, քարտեզի վրա ներկայացնում ենք Ամուլսարի ոսկու ծրագրի տեղն ու Արտավանի հրդեհների վայրը։
Դրանք գտնվում են իրարից ուղիղ գծով 15 կմ հեռավորության վրա։ Կարծում ենք, սա բավարար է՝ դավադրությունների տեսության թեման փակելու համար։
Իսկ Ամուլսարի ծրագրի մասնակցությունը հրդեհաշիջման աշխատանքներին կոնկրետ փաստ է։ Ընկերությունը օգնել է թե՛ մարդկանցով, թե՛ տեխնիկայով։ Լիդիանը դեռ հանքի աշխատանքները սկսելուց արագ արձագանքման թիմեր էր ձևավորել և թրեյնինգներ անկացրել ԱԻՆ-ի հետ համատեղ։ Հանքի ծրագրի համար այդ թիմերը դեռ պետք չեն եկել, սակայն պետք եկան Արտավանի հրդեհի ժամանակ։
Անկախ նրանից, թե մարդիկ ինչպես են վերաբերվում ոսկու հանքավայրին, պետք է ընդունել, որ մասնավոր ընկերությունը այդ հարցում բավականին կազմակերպված է և տեխնիկապես պատրաստ արտակարգ իրավիճակների դեմ պայքարելու առումով։
