Տպել
Երեկ «Դոմ 2»-ի աստղերից Սաշա Չեռնոն մանրամասն պատմել է նախագծի հայազգի մասնակից Իոսիֆ Օգանեսյանի հետ սեքսի մասին։ Աղջիկը խոստովանել է, որ զուգընկերը կատարել է իր բոլոր քմահաճույքները։
Քանի որ մենք առանձապես չենք հետևում նախագծին, որոշեցինք պարզել, թե ո՞վ է Իոսիֆ Օգանեսյանը։
Այսպես, շոուի նոր սեքս խորհրդանիշ Իոսիֆ Օգանեսյանը ծնվել է Կարիճի համստեղության ներքո, 1991 թվականի նոյեմբերի 5-ին, Ռուսաստանի մայրաքաղաքում։ Սովորել է Մոսկվայի պետական մշակույթի ինստիտուտում՝ թատերա-ռեժիսորական ֆակուլտետում, որն ավարտել է 2015 թվականին։ «Դոմ 2» նախագծին մասնակցում է 2017 թվականի ապրիլի 7-ից։
Երիտասարդը հայտարարել էր, որ եկել է Սաշա Չեռնոյի ուշադրությանն արժանանալու։
Աղջիկը նրան գրավել էր իր էներգիայով, որը նա զգացել էր դեռ հեռուստացույցի էկրանի առջև։ Զույգի հարաբերությունները հեշտությամբ չեն զարգանում։ Սաշան ու Իոսիֆը հաճախ են վիճում՝ գիտակցելով, որ շատ վեճեր անհիմն են։ Փոխըմբռնումը լիովին բացակայում է, սակայն Սաշան ու Իոսիֆն աշխատում են հաղթահարել այդ դժվարին փուլը։
Կրակի վրա ջուր լցրեց Օգանեսյանի մայրը, որը սարսափեց՝ իմանալով, որ Իոսիֆը Սաշայի հետ հարաբերություններ ունի։ Նրան զարմացրեց որդու ընտրությունը. նա կարծում էր, որ որդու կողքին պետք է լինի գեղեցիկ ու նիհար աղջիկ։ Հենց այդ պատճառով երիտասարդի մայրն ամեն ինչ անում է Իոսիֆին տուն վերադարձնելու և Չեռնոյից նրան հեռու պահելու համար։
Իոսիֆի երկրպագուները նույնպես համաձայն չեն նրա ընտրության հետ՝ նշելով, որ Սաշայի կողքին նա ծիծաղելի տեսք ունի, աջակցելով նրա մոր արտահայտություններին։ Իր հերթին, երիտասարդը նշում է, որ սովոր է ինքնուրույն լուծել բոլոր խնդիրները և ամեն ինչն կանի՝ Սաշայի հետ հարաբերություններն ավելի պարզ դարձնելու համար։
