Տպել
«Vuy Aman» հիթով ոգեշնչված ինքնատիպ սթիքերներն ու շրջանակներն արդեն հասանելի են PicsArt հավելվածում ՝անվճար:
Ամերիկյան առաջատար փոփ երաժիշտներից Սեբուն, ով առավել հայտնի է՝ որպես «Safe and Sound» պլատինե դարձած հիթի կատարող, Capital Cities դուետի անդամ, և հայ երգչուհի Սիրուշոն հայտնել են բջջային հավելվածների հետ համատեղ իրականացրած նախագծի մասին։ Այսուհետ PicsArt-ում տեղ կգտնեն վերջերս հիթ դարձած «Vuy Aman» ստեղծագործությամբ ոգեշնչված անվանական շրջանակների ու սթիքերների փաթեթները:
Այսպիսով՝ արդեն այսօր ամսական 90 միլիոն ակտիվ օգտատեր ունեցող PicsArt հավելվածի համայնքը հնարավորություն ունի անվճար ներբեռնել Vuy Aman stickers և Vuy Aman frame բացառիկ փաթեթները, որ ներառում են նորաձև աքսեսուարներ, սանրվածքներ, արձակուրդային շրջանակներ ու այլ նորաձև պարագաներ։
Ավելին, Capital Cities-ի ու Սիրուշոյի բոլոր երկրպագուները կարող են հետևել @SirushoOfficial-ին ու @CapitalCities-ին PicsArt-ում և ստեղծագործել իրենց սիրված արտիստների հետ միասին։
PicsArt–ում Vuy Aman–ի սթիքերներն ու շրջանակներն օգտագործելու համար պետք է՝
- Անվճար ներբեռնել iOS-ի, Android-ի կամ Windows-ի համար նախատեսված PicsArt հավելվածը
- Բացել հավելվածն ու սեղմել Store կոճակը
- Էկրանի վերևում գտնվող որոնման համար նախատեսված հատվածում փնտրել «Vuy Aman» բառակապակցությունը
- Սեղմել FREE գրառման վրա՝ ներբեռնելու փաթեթները
- Սեղմել USE հրահանգը, ընտրել լուսանկարը և սկսել խմբագրել այն։ Մի՛ մոռացեք կիսվել ձեր խմբագրված տարբերակներով PicsArt հավելվածում՝ օգտագործելով #VuyAman հեշթեգը։
Ամենաստեղծարար խմբագրված տարբերակների հեղինակները Սիրուշոյի ու Սեբուի կողմից անակնկալներ կստանան։
«Այս տարի մարտին PicsArt–ն ու Սիրուշոն համագործակցեցին՝ ներկայացնելու Սիրուշոյի ոճային սթիքերներն ու «Արմատ»-ից ոգեշնչված շրջանակների փաթեթները. հայկական տարազի դետալներն ու նախշերը հասանելի դարձան միլիոնավոր մարդկանց աշխարհի տարբեր ծայրերից: Այժմ արդեն կարող եք ներբեռնել «Vuy Aman» սթիքերների ու շրջանակների փաթեթները՝ շարունակելով ստեղծագործել»,- նշում են PicsArt-ում:
PicsArt-ը լուսանկարների մշակման, կոլաժների պատրաստման, նկարելու և համատեղ խմբագրելու համար նախատեսված հավելված և սոցիալական ցանց է։ Հավելվածն արդեն ունի 400 միլիոնից ավելի ներբեռնում և ամսական 90 միլիոն ակտիվ օգտատեր: PicsArt-ը միակ անվճար ֆոտոխմբագրման համար նախատեսված հավելվածն է, որն իրական ստեղծագործական ազատություն է ընձեռում՝ խմբագրման համար նախատեսված ավելի քան 3000 գործիքներով ու հատուկ արհեստական ինտելեկտով զինված էֆեկտներով:
Ավելին, PicsArt-ի տասը միլիոնից ավելի ազատ օգտագործման համար հասանելի free-to-edit (FTE) նկարների, ներառյալ՝ երկու միլիոնից ավելի ազատ օգտագործման սթիքերների հավաքածուն համարվում է աշխարհում օգտատերերի կողմից ստեղծված անվճար ամենածավալուն հավաքածուներից մեկը:
PicsArt-ը հասանելի է 20 լեզուներով ամբողջ աշխարհում: Այն անվճար է iOS, Android և Windows հարթակների համար:
Սիրարփի Աղաբաբյան
