Տպել
Wnews.am-ը շարունակում է պարբերաբար ներկայացնել նախընտրական փուլերը հաղթահարած և մրցույթի եզրափակչին մասնակցելու հնարավորություն ստացած աղջիկներին, նրանց, ովքեր հավակնում են դառնալ «Միսս Արմենիա» համահայկական հիմնադրամի կողմից կազմակերպվող գեղեցկության մրցույթի հաղթողն ու հետագայում մասնակցել «Միսս աշխարհ»-ին: Մեր զրուցակիցն այս անգամ Վիկտորյա Մարգարյանն է։
–Ներկայացրու’ քեզ. որտ՞եղ ես ծնվել, ինչո՞վ ես զբաղվում, ի՞նչ հետաքրքրություններ ունես։
-Ես Մարգարյան Վիկտորյան եմ, ծնվել և ապրում եմ Երևանում: Սովորում եմ բժշկական համալսարանի 2-րդ կուրսում: Զբաղվում եմ մոդելինգով: Շատ հետաքրքրություններ ունեմ`պար, լող, նկարչություն, կիթառ:
–Ո՞րն ես համարում արտաքինիդ գլխավոր առավելությունը։
-Առավելություն համարում եմ անկեղծ ժպիտս և սլացիկ կեցվածքս:
–Ինչու՞ որոշեցիր մասնակցել մրցույթին։
-Ռադիոյով լսեցի մրցույթի մասին և որոշեցի փորձել ուժերս:
–Ինչպե՞ս է ընթացել մրցույթի նախընտրական փուլը, ի՞նչ էմոցիաներ ունեիր։
-Էմոցիաներս դրական էին, քանի որ սիրում եմ ամեն ինչ փորձել և գտնում եմ, որ մարդ կյանքում ամեն ինչ պետք է փորձի և հաղթահարի բոլոր դժվարությունները՝ անկախ խոչնդոտներից:
–Ինչպե՞ս շրջապատդ արձագանքեց մրցույթի մասնակցությանը։
-Նրանք ուրախացան ինձ համար, քանի որ ինձ մոտ էլ կա հաղթելու մեծ հնարավորություն:
–Ինչպե՞ս ես գնահատում հաղթելուդ հնարավորությունները։ Ծանո՞թ ես մյուս մասնակիցների հետ:
-Գրեթե բոլորի հետ ծանոթ եմ, բոլորն էլ գեղեցիկ են, բայց կհաղթի նա, ում հաղթելու ցանկությունն ամենամեծն է:
–Հաղթելու դեպքում ի՞նչ կանես։
-Հաղթելու դեպքում պատվով կներկայացնեմ իմ երկիրը և կապացուցեմ, որ հայ գեղեցկուհին կարող է լինել արժանավոր մրցակից:
Ամբողջությամբ՝ wnews.am
