Տպել
Tert.am Life–ն արդեն պատմել էր Հայկոյի մենահամերգի մասին։ Երգիչը մենահամերգից հետո afterparty էր կազմակերպել։ Ընկերներն ու հարազատները երեկոյան հավաքվել էին շնորհավորելու Հայկոյին։
Մեզ հետ զրույցում երգիչը պատմեց համերգից իր տպավորությունների և կազմակերպած անակնկալների մասին։
«Զգացումներս աննկարագրելի են։ Կարծում եմ՝ գեղեցիկ պահեր պարգևեցի հանդիսատեսին։ Ես շատ եմ կարևորում համերգային ծրագրերը, քանի որ արտիստի համար գերագույն հաճույք է կենդանի նվագակցությամբ երգել։ Բացի այդ, որքան էլ նոր երգեր ենք թողարկում, միևնույն է, հանդիսատեսը ցանկանում է լսել կենդանի կատարումը։ Այս համերգային ծրագիրը մեկնարկն է նոր աշխատանքներիս, որոնք առաջիկայում կներկայացնեմ։ Նոր երգեր, տեսահոլովակներ ու ձայներիզ է սպասվում, որտեղ կլինեն գեղեցիկ ստեղծագործություններ»,– ասաց Հայկոն։
Ի դեպ, հատուկ մենահամերգի համար Հայկոն տեսանյութ էր պատրաստել, որի գլխավոր հերոսը որդին էր` Արմանը։ Տեսանյութը Հայկոյի մտորումներն էր արտահայտում։ Երգչից հետաքրքրվեցինք, թե ում գաղափարն էր դա. «Ես շատ էի ցանկանում, որ տղաս իմ աշխատանքում լիներ։ Նա ինձ շատ է օգնել այս ընթացքում։ Չի տրտնջացել և սիրով նկարահանվել է»։
Երգչի խոսքով`ինքը մի երազանք ունի՝ նույն համերգային ծրագիրը կազմակերպել Գյումրիում և Արցախում։
