Advertisement 1000 x 90

Արաբական մամուլն անդրադարձել է հայ տաղանդավոր դիզայների մահվանը. arevelk.am

Արաբական մամուլն այսօր ափսոսանքով հայտնել է սեպտեմբերի 11-ին 40 տարեկանում իր մահկանացուն կնքած տաղանդավոր հայ դիզայներ Վիգեն (Վիկ) Վանլյանի մահվան մասին, նշելով, որ Վիկ Վանլյանն արաբական աշխարհում հայտնի անուններից էր:

Նա ժամանակակից ոճով ստեղծագործող դիզայներ էր, որի գործերը զարդարում են շեյխերի, արաբ և օտար աստղերի, նշանավոր մարդկանց բնակարաններն ու առանձնատները: Վիգեն Վանլյանը մի շարք մրցույթների է մասնակցել, իսկ 2012  թվականին ստացել է Միլանի Ներքին կահավորման տոնավաճառի «Միջին Արևելքում ամենաարագ զարգացող ընկերության սեփականատեր» մրցանակը:  Մի շարք հայտնի մասնագետներ Վիգեն Վանլյանին  անվանել են ապագայի դիզայներ: Նա մահացել է քաղցկեղից:

Երիտասարդ դիզայները հիմնել էր  Vick Vanlian Architecture and Design  ընկերությունը:

Վանլյան ընտանիքը Վիգեն Վանլյանի մահվան առթիվ ցավակցություններ է ընդունելու Բեյրութի ՀԲԸՄ Դեմիրճյան կենտրոնում, այսօր և վաղը՝ սեպտեմբերի 14-ին, ժամը 11:00-20:00-ին:

arevelk.am