Տպել
Ռուսական ռազմական արդյունաբերությունը հետ չի մնում մյուսներից ինքնանշանառվող սարքերի արտադրությունում, Sputnik Արմենիային ասաց ռուսական «Նորարարական զինական տեխնոլոգիաներ» ընկերության կոմերցիոն տնօրեն Արսեն Ջալալյանը Երևանում ArmHiTec 2018 պաշտպանական տեխնոլոգիաների ցուցահանդեսում։
Ընկերությունը թողարկում է ավտոմատ նշանառությամբ սարքեր։ Դրա մեջ տեղադրված են միանգամից երեք հաղորդիչներ՝ քամու, տարածությունում դիրքի և մինչև թիրախը հեռավորության։ Նշան բռնելիս՝ համակարգիչը մշակում է տվյալները և շտկում նշանառությունը։
Նշանառությունը համադրելի է ցանկացած հրաձգային զենքի հետ՝ ավտոմատ, կիսաավտոմատ, դիպուկահարային հրացաններ, խոշոր տրամաչափի գնդացիրներ։ Այն հարցին, թե օգտագործում են արդյոք նոր տեխնիկան ՌԴ զինված ուժերում, Ջալալյանը պատասխանեց․ «Անշուշտ, սարքը մեծացնում է ստորաբաժանումների մարտական արդյունավետությունը։ Ուստի հետաքրքրություն կա տեխնիկայի նկատմամբ։ Ինչ վերաբերում է Հայաստանին, ապա ցանկացած բանակ սկզբից պետք է մանրակրկիտ փորձարկի տեխնիկան։ Սա այն ապրանքը չէ, որն աչքաչափով կիրառեն»։
«Խելացի» նշանառության սարքեր արտադրում են նաև ՆԱՏՕ-ի մի քանի երկրր։ Ճիշտ է, նշեց զրուցակիցը, այնտեղ այդ սարքերը դեռ փորձարկում են, իսկ «Նորարարական զինական տեխնոլոգիաների» արտադրանքն արդեն փորձարկված է և պատրաստ օգտագործման։
