Տպել
Մահացել է խորհրդային ռեժիսոր Ստեփան Պուչինյանը` «Պատմություն չեկիստի մասին» և «Գոտեմարտ» ֆիլմերի հեղինակը։
«Կյանքի 91-րդ տարում մահացել է մեր ընկերն ու գործընկերը` Ռուսաստանի կինեմատոգրաֆիստների միության անդամ, Ռուսաստանի ժողովրդական արտիստ, խաղարկային կինոյի ռեժիսոր Ստեփան Ֆիլիպի Պուչինյանը»,- նշված է ՌԴ Կինեմատոգրաֆիստների միության հաղորդագրությունում։
Պուչինյանն ավարտել է Կինեմատոգրաֆիայի համառուսական պետական ինստիտուտը, 1968թ-ից աշխատել Գորկու անվան կինոստուդիայում որպես բեմադրող ռեժիսոր։
Նա «Պատմություն չեկիստի մասին», «Գոտեմարտ», «Ամենագեղեցիկ ձին», «Հարսանիքի օրը պետք է ճշտել», «Տիկին Վոնգի գաղտնիքները» և այլ ֆիլմերի ռեժիսորն է։
Ստեփան Պուչինյանը պարգևատրվել է Պետրոս Մեծի 2-րդ աստիճանի (2003թ.) և 1-ին աստիճանի (2007թ.) շքանշանով, պատվո շքանշանով (2012թ.)։
