Տպել
YouTube տեսածառայությունն սկսել է Gatz («Գեթս») սերիալի նկարահանման աշխատանքը, որը պատմում է այն իրադարձությունների մասին, որոնք նախորդել են Ֆրենսիս Սքոթ Ֆիցջերալդի «Մեծն Գեթսբին» վեպի սյուժեին: Այդ մասին հայտնել է Deadline Hollywood պորտալը:
Պատմությունը հիմնված կլինի ակադեմիական տեսության վրա, որի համաձայն, Ֆիցջերալդը Ջեյ Գեթսբիին պատկերացնում էր որպես խառնածին ռասայի տղամարդ: Նշվում է, որ սյուժեն վերաբերելու է այսպես կոչված Հառլեմյան վերածննդին՝ 20-րդ դարի 1920-1930-ական թվականների աֆրոամերիկյան մշակույթի ծաղկման ժամանակաշրջանին: Սերիալի գործադիր պրոդյուսերներն են Գրեգ Սիլվերմանը («Իմ ատելության տասը պատճառները») և Պոլ Շապիրոն («Հերոսները»):
Նախագծի մնացած մանրամասները դեռ չեն հաղորդվում: «Մեծն Գեթսբի»-ն ամերիկացի գրող Ֆրենսիս Սքոթ Ֆիցջերալդի վեպն է, որը հրապարակվել է 1925 թվականին: Գլխավոր հերոսը՝ Նիկ Քարաուեյը, Միջին Արևմուտքից ժամանում է Նյու Յորք, որտեղ բնակություն է հաստատում իր երեկույթներով հայտնի միլիոնատեր Ջեյ Գեթսբիի հարևանությամբ:
Գիրքն Էկրանավորվել է մի քանի անգամ: 2013 թվականին ֆիլմն, ըստ վեպի, նկարահանել է ավստրալացի ռեժիսոր Բազ Լուրմանը. կինոնկարը հավաքել է ավելի քան 350 մլն դոլար: Գեթսբիին մարմինավորել է Լեոնարդո դի Կապրիոն:
