Տպել
Ճանապարհորդ Գևորգ Գասպարյանը, ով Facebook-ի օգտատերերից շատերին հայտնի է որպես Gevorg Arevi Gasparyan, իր էջում գրել է.
«Ձեզ ենք ներկայացնում քայլարշավային երթուղիների գծանշման ցուցանակների օրինակները:
-Պատրաստված են Հայաստանում տրավերտին և բազալտ տեսակի քարերից:
-Ցուցանակի վրայի ինֆորմացիան լինելու է 3 լեզվով՝ հայերեն, անգլերեն, ռուսերեն:
-Բացի երթուղու ուղղությունից նշվուլու է երթուղու տիպը (քայլարշավային, հեծանվային, արտաճանապարհային և այլն), երկարությունը, որոշ դեպքերում նաև բարձրությունը:
-Ինքնակպչուն պիտակները տպագրվում են հատուկ թղթի վրա, որոնք գիշերը լույսի տակ փայլում են:
-Քարի ցուցանակները ավելի մատչելի են քան ֆիբերգլասի ցուցանակները, էկոլոգիապես մաքուր են, սակայն դրանց ամենամեծ թերությունը ծանր քաշն է, որի տեղափոխումը պահանջու է որոշակի ջանքեր:
Խնդրում ենք եթե առաջարկներ կան, որոնք կարծում եք կիրառելի են և օգտակար, կիսվեք մեզ հետ:
Մոտ օրերս կսկսվեն առաջին երթուղիների գծանշումները:
ՀԳ. Խնդրում եմ չգրեք «կջարդեն, կկոտրեն, և այլն և այլն»: Մենք անելու ենք ամեն ինչ առավելագույն արդյունք ստանալու համար, չնայած նրան, որ չենք բացառում նման դեպքերը ևս: Դրանք կփոխարինվեն նորով կրկին և կրկին»:
