Տպել
Քալիֆորնիայից հայ դիջեյը, ով 93 տարեկան է, 75 տարի շարունակ տեղական ռադիոալիքներով հաղորդումներ է վարում։ Դիջեյ Արտ Լաբոն, կամ ինչպես նրա իսկական անունն է՝ Արթուր Էգնոյանը, հաղորդում է վարում կալանավորվածների ընտանիքների համար։ Նրա շոուի միջոցով հարազատները կարող են ուղերձներ հղել իրենց սիրելիներին, որոնք ներկայում ճաղերի հետևում են՝ հայտնում է Associated Press-ը։
Էգնոյանը ծնվել է Սոլթ Լեյք Սիթիում ապրող հայկական ընտանիքում՝ Մեծ դեպրեսիայի տարիներին։ Քույրը նրան ռադիոընդունիչ է ուղարկել, երբ նա դեռ 8 տարեկան էր։ Ավելի ուշ նա տեղափոխվել է Քալիֆորնիա, Երկրորդ համաշխարհայինի տարիներին ծառայել նավատորմում։ Վերջապես Էգնոյանը դարձել է ռադիոհաղորդավար Սան Ֆրանցիսկոյում և վերցրել է Արտ Լաբո կեղծանունը այն բանից հետո, երբ ղեկավարը խորհուրդ է տվել ավելի հեշտ արտասանվող անուն ընտրել։ 1956թ․ դիջեյի առավոտյան շոուն Լոս Անջելեսում համար առաջին հաղորդումն է դարձել։
