Տպել
ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասից դեռևս չպարզված հանգամանքերում ադրբեջանական հատվածում հայտնված զինծառայող Արայիկ Հայկի Ղազարյանի հետ եղբայրը՝ Արմեն Ղազարյանը խոսել է դեպքին նախորդող օրը:
«Ռադիոլուր»-ի հետ զրուցում նա ասաց, որ եղբայրը լավ էր, նորմալ: Այլ մանրամասներ նա առայժմ չկարողացավ հայտնել, խոստացավ ավելի ուշ կապ հաստատել, քանի որ հիվանդանոցում էր՝ մոր մոտ: Դեպքի մասին իմանալուց հետո մոր վիճակը վատացել է ու նրան տեղափոխել են հիվանդանոց:
Վայոց ձորի Եղեգիս համայնքի ղեկավար Արմեն Յակոբյանը տարօրինակ է համարում սահմանը հատելու մասին տեղեկությունները: Նա չբացառեց, որ գուցե Արայիկ Ղազարյանին հակառակորդը առևանգել է:
Ասում է, որ շատ նորմալ, կարգին տղա է, ընտանիքը աշխատող, լավ ընտանիք է: Եղբայրը նույնպես զինծառայող է:
