Տպել
Ոստիկանությունն այսօր ցանկացել է խուզարկել «Քաղաքացիական գիտակցություն» ՀԿ նախագահ Նարեկ Սամսոնյանի ավտոմեքենան այն բանի համար, որ նա նկարահանել է ոստիկանության ուղեկցությամբ քաղաքով զբոսնող վարչապետ Նիկոլ Փաշինյանի դստերը։
«Հրազդան հյուրանոցի մոտից իմ մեքենայով դուրս էի գալիս, երբ ականատես եղա, թե ինչպես է Նիկոլ Փաշինյանը դուստրը ընկերոջ կամ բանակային որդու Աշոտի հետ, կամ մի տղայի հետ թիկնազորով քայլում։ Ես առանց վարանելու նկարել եմ: Թիկնազորից մոտեցան նայեցին ինձ, երևի ճանաչեցին, հետ գնացին։ Հասա տուն, աներոջս անունով է մեքենան… զանգահարում է ոստիկանության ԳԱԻ-ի պետի տեղակալը, ուզումա հանդիպի և հիմա գալիս են իմ մեքենան զննելու: Զենքս ավտոմեքենայի մեջ է, օրինական փաստաթղթերը մոտս են։ Հրաժարվելու եմ թույլ տալ մեքենանս զննել, քանի որ ոստիկանությունը այս պահից սկսած Նիկոլ Փաշինյանի պոլի շորն է և տեսանկարահանման համար գալիս են մեքենաս զննելու: Ես երբ ուզեմ ինչպես ուզեմ հանրային վայրերում նկարահանելու եմ իրենց, որոնք հարկատուների հաշվին զբոսնում են փողոցում։ Ես երբեք չեմ տեսել, որ որևէ ղեկավարի դուստր, փողոցում զբոսնելիս, ոստիկանների ուղեկցությամբ լինի», – Facebook-ի իր էջում գրել է Սամսոնյանը։
Նա նաև տեսանյութ է տեղադրել իր և ոստիկանության ներկայացուցչի հեռախոսազրույցից։
Խնդրեմ սա էլ այն տեսանյութը, որի պատճառով ոստիկանությունը ստորացավ ու հերթական անգամ թքեց իր ուսադիրների վրա:Իրականում Նիկոլ Փաշինյանի ծառայող որդին զորամասում լինելու փոխարեն եղել է թիկնազորի հետ զբոսնելիս և ես` ի դժբախտություն Նիկոլի հայտնվել եմ ճիշտ պահին ճիշտ տեղում ու դրա համար էլ ոստիկանները սենց ստորացան:Ու Նիկոլն էլ իրավունք ունի նախկին նախագահների որդիների ծառայել-չծառայելուց խոսա էլի. այ էս ա քաքիստոկրատիան ու օխլոկրատիան: Իշխանափոխությունից հետո դեռ կպարզենք Աշոտ Փաշինյանը քանի օր ա անցկացրել զորամասում:
Gepostet von Narek Samsonyan am Montag, 16. September 2019
Հանցագործության վայրում
Gepostet von Ադեկվադ am Montag, 16. September 2019
