Տպել
Արամ Վարդանյանին, ում անվան շուրջ խոսակցություններն ու հասարակության տարբեր շրջանակների մոտ հետաքրքրության դրսևորումները չեն դադարում՝ նրա առանձնատանը ոստիկանության աշխատակիցների իրականացրած գործողություններից ու դրանից հետո առաջացած մամուլի հրապարակումներից հետո, Asekose.am-ին հաջողվել է երկու հարց ուղղել:
– Ձեր անձի շուրջ խոսակցությունները չեն դադարում: Ոստիկանությունը տարածում է հաղորդագրություն, որին հետեւում է ձեր փաստաբանների՝ դատարանի որոշման մասին փաստացի հրապարակումները, եւ այդպես էլ պարզ չի դառնում, ո՞րն է իրականությունը: Ինչ կասե՞ք այս մասին:
– Իրավական հարցերի մասին չեմ խոսի: Դրանով թող զբաղվեն փաստաբանները, նրանք լավ գիտեն ամեն ինչ: Էս մասին միայն կասեմ, որ եթե ես կապ ունեմ ինձ վերագրվող կրակոցի հետ, ուրեմն՝ նույն հաջողությամբ ես կապ ունեմ Ամերիկայում պայթեցված շենքերի հետ:
– Պարոն Վարդանյան, օրերս հայաստանյան լրատվամիջոցներից մեկը վերլուծել էր ձեր կերպարը՝ ձեզ համարելով Սերժի սիրելի, որը աղտոտում է մթնոլորտը:
– Գիտեմ, ծանոթ եմ հրապարակմանը ու համ էլ գիտեմ, թե լրատվամիջոցի տերն ու էդ զառանցանքի պատվիրատուն ով է: Ծիծաղս գալիս ա, որովհետեւ ի տարբերություն էդ մարդու ես Սերժ Սարգսյանին կյանքումս գոնե մեկ անգամ դեմառդեմ հանդիպած չկամ: Իսկ երբ, ըստ օդում կախված լուրերի, Սերժ Սարգսյանի մերձավոր շրջապատից մեկը, կրակելով անցք էր բացում էդ պատվիրատուի եղբոր հետույքին, ինքը դեպքից կես ժամ հետո հանդիպում էր ու ասում՝ լավ եք արել, ուզում եք էլի արեք: Էդ նույն մարդը, որ թավալվում էր իր ասած մարդկանց ոտքերի տակ, մեկ ամիս առաջ Երևանի սրճարաններից մեկում՝ «Մարտինի»-ում, չնայելով որ տարածքում կանայք ու երեխաներ կան, բարձրաձայն հեռախոսով մեկի հետ խոսելուց հայհոյում էր Սերժ Սարգսյանին: Տենց անում էր տպավորություն թողնելու համար, որովհետեւ էդ հայհոյանքներից հինգ րոպե հետո փախավ, երբ էդ նույն սրճարան մտավ Սարգսյանի փեսան: Որ փեսային տեսնելուց տենց լեղապատառ փախավ, բա որ Սերժ Սարգսյանին դեմառդեմ տեսներ ի՞նչ կլիներ: Էդ նույն մարդը հեղափոխությունից մի քանի օր անց Կասկադի ռեստորաններում նստած իշխանական դեմք տենալուց գոռում ա՝ արա, Նիկոլին կասես լավ ա անում, որ իմ ասածներն անում ա: Դատարկ մարդ ա էլի: Դավաճանությունը իրա կաշին ա: Վանո ու Լևոն ա դավաճանել դա: Ճակատագրեր խեղելուց ա խոսում. էնքան մարդու ճակատագիր ա խեղել՝ քշել տվել երկրից, ձեռից ունեցած-չունեցած խլել, էդ հլը էն թվերից: Համ էլ՝ բա որ քրեական ենթամշակու՞յթ էի՝ խի՞ էր եկել ոտերս ընգել ու աղաչում եղբոր տղաներին օգնել: Չեմ փոշմանել, որ օգնել եմ, հիմա էլ նույնը կանեի էրեխեքի պահով, իսկ էդ տեսակը, որ ոչ թասիբ ու ոչ էլ ամոթ ունի՝ ուշ թե շուտ վերջանալու ա: Էդ տիպի համբալների հետ մի օր կհանդիպենք դեմառդեմ, կյանքը հո չի վերջացե՞լ Ինչ վերաբերվում է շոու բիզնեսի հետ իմ կապերին, ապա ես իմ հարաբերությունները ի տարբերություն իրա նպան կապիկների կառուցում եմ ուրիշ արժեքների վրա: Ինձ համար մեկ ա՝ շոուբիզնեսի ներկայացուցիչ ա, բանվոր, երաժիշտ, թե՞ պահակ: Ինձ համար մարդն ա արժեքը, ոչ թե «կապիկը»:
