Հրդեհ Մասիս քաղաքում. տուժածներ չկան

Ճգնաժամային կառավարման ազգային կենտրոն մայիսի 17-ին, ժամը 17։00-ին ահազանգ է ստացվել, որ Արարատի մարզի Մասիս քաղաքի Կայարան թաղամասում գտնվող «ՎԵԳԱ» ընկերության մոտակայքում այրվում է կուտակած թեփ: Այս մասին հայտնեցին ՀՀ ԱԻՆ տեղեկատվության և հասարակայնությա հն հետ կապերի վարչությունից։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ և մեկ ջրատար։

Պարզվել է, որ հրդեհը բռնկվել է Սայաթ Նովա փողոցի թիվ 5 հասցեում գտնվող «ՎԵԳԱ» կահույքի արտադրամասի տարածքում:

Հրդեհը մեկուսացվել է ժամը 18:26-ին, մարվել՝ 18:58-ին: Այրվել են շինության տանիքի ջերմամեկուսիչ շերտը (մոտ 50 քմ) և մոտակայքում կուտակած թեփ (մոտ 25 խմ)։