Տպել
Հունիսի 4-ին ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները՝ ՀՀ ՃՈ ծառայողների հետ համատեղ, ուժեղացված և լայնածավալ հսկողություն, մշտադիտարկումներ են իրականացնել Աջափնյակ վարչական շրջանում: Այս մասին հաղորդագրություն է տարածել ՀՀ կառավարությունը․
«Կանոնավոր երթուղիներում շահագործվող տրանսպորտային միջոցներում իրականացված գործառույթների շրջանակներում հայտնաբերվել են մի շարք խախտումներ և թերություններ։ Մասնավորապես՝ միկրոավտոբուսներում ուղևորափոխադրումը կատարվել է առջևի նստատեղին միաժամանակ երկու ուղևորի նստեցումով, որոշ տրանսպորտային միջոցներում բացակայել է ախտահանիչ հեղուկը, ինչպես նաև վարորդները, ուղևորները եղել են առանց դիմակի, առանց ձեռնոցի: Հայտնաբերվել են նաև գերբեռնված երթ իրականացնող տրանսպորտային միջոցներ:
Նշված խախտումների հիմքով ՃՈ կողմից կազմվել են մի շարք արձանագրություներ։
Տեսչական մարմնի մասնագետները ստուգում իրականացնելուց բացի, տեղում կատարում են նաևակտիվ իրազեկման և բացատրական աշխատանքներ: Մշտադիտարկումներն ակտիվ իրականացվում են նաև Երևանի այլ վարչական շրջաններում և հանրապետության բոլոր մարզերում:
ՔՏՀԱ տեսչական մարմինը հորդորում է բոլորին խստագույնս հետևել պարետի կողմից տրված ցուցումներին և սահմանած անվտանգության կանոններին՝ չվտանգելով մեր քաղաքացիների առողջությունը»,- ասված է հաղորդագրության մեջ։
