Հրշեջ-փրկարարները մարել են խոտածածկ տարածքներում բռնկված հրդեհները

ԱԻՆ ՓԾ ճգնաժամային կառավարման ազգային կենտրոնում հունիսի 29-ին 11 ահազանգ է ստացվել հանրապետության տարբեր խոտածածկ տարածքներում բռնկված մոտ 200 քմ և ավել տարածք ընդգրկող հրդեհների վերաբերյալ: «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից։

Մասնավորապես`

Երևանի Աջափնյակվարչականշրջանում՝ 200 քմ, 200 քմ, Էրեբունի վարչական շրջանում՝ 4000 քմ, Դավիթաշեն վարչական շրջանում՝ 500 քմ, Մալաթիա – Սեբաստիա վարչական շրջանում՝ 1000 քմ,

Արարատի մարզի Արտաշատ քաղաքում՝ 400 քմ, Երասխ գյուղում՝ մոտ 2 հա, Այնթապ-Նոր Կյուրին ավտոճանապարհին՝ 3500 քմ,

Արմավիրի մարզի Արևաշատ գյուղում՝ 300 քմ,

Կոտայքի մարզի Զովունի գյուղում՝ 3000 քմ, Քասախ գյուղում՝ 4000 քմ։

Հրշեջ-փրկարարները հրդեհները մեկուսացրել են և մարել: