Տպել
Լրագրող Կարինե Հարությունյանը ֆեյսբուքում գրել է.
«Հեչ սիրտ չունեմ գրելու, ու չէի գրի, եթե ոստիկանին խոստացած չլինեի…
Նոր Նորքի թաղապետարանի հետեւի այգով իջնում եմ, դիմակս իջեցրած: Արդեն թաղապետարանի մոտ մոտենում է ցածրահասակ, գիրուկ, մուգ մաշկով, կլորադեմ ոստիկանը՝ դիմակով: Հարցեր է տալիս, պատասխանները ստանում, որ փակ տարածքում բարձրացնում եմ եւ այլն, արձանագրություն կազմում, որ դիմակը ծնոտիս վրա է: Հարցնում եմ՝ ինչու՞ չեք նշել համապատասխան կետը: Ասում է՝ վերջացնեմ, կնշեմ, մինչդեռ մինչ ինձ ստորագրել տալը պետք է նշած լիներ: Լիովին կարող եմ ենթադրել, որ այդպես է վարվում միշտ եւ եթե քաղաքացին չնկատի, կարող է նշված երեք կետերից որեւէ մեկը նշել ըստ իր ցանկության, ոչ թե ըստ փաստի:
Արձանագրությունը կազմում է, վերջացնում, մեր կողքով անցնում է տղամարդ՝ դիմակը քթից ներքեւ. այս մարդուն ինչու՞ չեք կանգնեցնում.
-Նա դիմակ ունի:
-Բայց նրա դիմակը քթի տակ է, ոչ վրան:
-Չէ, նա քիթը ծածկել է:
Էսպես՝ մի քանի անգամ: Հոգնում եմ: Ինքը գնում է դեպի ոստիկանական մեքենան, որտեղ ղեկին մեկ այլ ոստիկան է, նիհարիկ եւ սեւ դիմակով: Նստում է մեքենան, մոտենում եմ.
-Ձեր անունը:
-Մոսինյան Սուրեն ( արդեն վստահ չեմ, թե ճիշտ ասաց):
-Ինչու՞ դիմակը իջեցրիք, ձերն էլ է քթից ներքեւ:
-Քիթս ծածկում է… (մարդն ակնհայտորեն ստում է)
-Ես կգրեմ Ձեր մասին:
-Գրեք:
Հարցս ՀՀ առողջապահության նախարարություն ՀՀ ոստիկանություն / Police of the Republic of Armenia
Tigran Avinyan / Տիգրան Ավինյան -ին
Ինչպե՞ս է ճիշտ կրել դիմակը, եւ եթե առողջապահության նախարարության ցուցումն, այնուամենայնիվ, այն է, որ դիմակը պետք է ծածկի նաեւ քիթը, ոչ թե հասնի քթի տակ, ուրեմն ո՞վ պետք է արձանագրություն կազմի նույն կարգը խախտող ոստիկանի վերաբերյալ»:
