Նրանց, ում թվում է, թե համաշխարհային թանձրույթ-խառնույթից հնարավոր է օգուտներ քաղել, ցավակցում եմ բանականության անվերադարձ կորստյան եղերական առիթով

ԴԱԴԱՐԻ ՄԻՋԱԿԱՅՔՈՒՄ-2 ԿԱՄ ՄԻ ԵՂԵՐԱԿԱՆ ԱՌԻԹՈՎ

Հակամարտության ներսը որ բացում ես, զսպանակի պես երկու ենթադրություն է դուրս պրծնում. Ադրբեջանը կորցրել է Լեռնային Ղարաբաղ-Արցախը, Հայաստանը վերադարձնելու է ազատագրված (գրավյալ) տարածքները։ 1994-ի դիվանագիտական բոլոր նախագծերը հիմնված են զույգ այս կանխադրույթի վրա։

Պատերազմն անհող-անհաջող ձեռնարկ է։ Կողմերից յուրաքանչյուրը փորձում է վանել վատ երազն՝ իր գործողությունների աղետալի անհեթեթությունը քողարկելով անհիմն երազանքներով։

Չի լինելու։ Դադարեցրե’ք արյունահեղությունը, պատրաստվե’ք ամենքդ ձեր հավակնություններից հրաժարվելուն։

Իսկ նրանց, ում թվում է, թե համաշխարհային թանձրույթ-խառնույթից հնարավոր է օգուտներ քաղել, ցավակցում եմ բանականության անվերադարձ կորստյան եղերական առիթով։

Տիգրան Պասկևիչյանի ֆեյսբուքյան էջից

https://www.facebook.com/tigran.paskevichian.7/posts/2884058248493227