Տպել
Դրանք կարող են մշակվել VR սաղավարտներին զուգահեռ:
WWDC մշակողների ամենամյա համաժողովը կրկին տեղի կունենա առցանց, բայց Apple-ը նախատեսում է առաջիկա մի քանի ամիսների ընթացքում կազմակերպել իր առաջին «կենդանի» շնորհանդեսը: Լրագրողները պետք է հրավիրվեն բրենդավորված խառը իրականության ակնոցների հայտարարությանը, գրում է Bloomberg-ը:
Նման ականջակալը համատեղելու է վիրտուալ և լրացված իրականությունը: Ում է դա թիրախավորելու, դեռ անհայտ է: Դա կարող է լինել՝ ինչպես ակնոց ամենօրյա օգտագործման համար, այնպես էլ՝ գործիք Microsoft-ի HoloLens-ի նման՝ մասնագետների համար: Ցանկացած դեպքում, դա կլինի Apple-ի առաջին բոլորովին նոր ապրանքը 2015 թվականից ի վեր:
Հատկանշական է, որ Bloomberg-ի խմբագիրները նախկինում գրել էին Apple-ի վիրտուալ իրականության ականջակալի մասին, որը կկարողանա մրցել HTC-ի առաջատար VR ականջակալների հետ: Այն պետք է ներկայացվի ակնոցներից առաջ և միայն 2022 թվականին: Եթե երկու պատկերացումներն էլ ճիշտ են, ապա հավանական է, որ կորոնավիրուսային համաճարակը զգալի փոփոխություններ է կատարել Apple-ի ծրագրերում:
Սիրարփի Աղաբաբյան
