Տպել
Սննդակարգի որոշ փոփոխություններ կօգնեն բարելավել գիշերային քունը, ինչպես պնդում են մասնագետները: Ինչպես հայտնում է Women’s Health-ը, մեծ քանակությամբ օգտակար հանածոների ստացումը, ինչպիսիք են կալիումը, մագնեզիումը, կալցիումը եւ երկաթը, կարող են խթանել մելատոնինի՝ քնի կարգավորման համար պատասխանատու հորմոնի արտադրությունը:
Ավելի լավ է քնելուց առաջ ծանր ու տապակած սնունդ չուտել: Խորհուրդ է տրվում նաեւ հրաժարվել ալկոհոլից, կոֆեինից եւ այրոցք առաջացնող մթերքներից, ինչպիսիք են տոմատի մածուկը կամ նարնջի հյութը:
Թուզ
Ըստ սննդաբան Ժակլին Լոնդոնի, երեկոյան կարելի է թուզ ուտել, քանի որ դրանք պարունակում են կալիում, մագնեզիում, կալցիում եւ երկաթ՝ հանքանյութեր, որոնք օգնում են արյան հոսքին եւ մկանների թուլացմանը, առանցքային են համարվում քնի համար: Թուզը ոչ միայն ճնշում է քաղցրավենիքի նկատմամբ փափագը, այլեւ պարունակում է բջջանյութ, որն օգնում է կշտանալ:
Ձմերուկ
Քնի համար երկրորդ մթերքը ձմերուկն է: Քանի որ ջրազրկումը կարող է ազդել քնի եւ քնի որակի վրա, ձմերուկի նման ջրալի մրգերի ընտրությունը կարող է լրացնել հեղուկի դեֆիցիտը:
Քաղցր կարտոֆիլ
Փորձագետը խորհուրդ է տալիս սովորական գիշերային նախուտեստները փոխարինել քաղցր կարտոֆիլի տոստերով: Քաղցր կարտոֆիլը պարունակում է շատ կալիում, մագնեզիում եւ կալցիում, որոնք կօգնեն հանգստանալ: Իսկ եթե վրան ավելացնեք մի քիչ մեղր ու մի պտղունց ծովային աղ կամ մի ճաշի գդալ ընկույզի յուղ, ապա ուտեստը հարմար կլինի նաեւ հետճաշյա հյուրասիրության համար:
Պիստակ
Պիստակները նույնպես օգտակար են քնի համար, քանի որ դրանց մեջ շատ սպիտակուց, վիտամին B6 եւ մագնեզիում է պարունակվում: Բայց քանի որ դրանք շատ կալորիական են, չափից շատ ուտել չի կարելի: Օպտիմալ չափաբաժինը մեկ ունցիա է (28 գրամ):
Սալորաչիր
Սալորաչիրը պարունակում է վիտամին B6, կալցիում, մագնեզիում եւ այլ նյութեր, որոնք նպաստում են մելատոնինի արտադրությանը: Սալորաչրից կարելի է միջուկ պատրաստել հացահատիկի տոստի համար կամ մի քանի հատապտուղ ուտել քնելուց 30 րոպե առաջ:
