Պետության զավթումը շարունակվում է,բայց, «պետության զավթման» դեմ նախկինում պայքարողներն, այս երևույթն այսօր ծափահարում են. Ավետիք Իշխանյան

Ավետիք Իշխանյանի ֆեյսբուքյան էջից.

ՊԵՏՈՒԹՅԱՆ ԶԱՎԹՈՒՄ

«Պետության զավթում» արտահայտությունը շրջանառության մեջ մտավ 2018թ․ ստի և կեղծիքի հեղափոխությունից հետո։ Այն ենթադրում է որևէ ուժի կողմից պետական բոլոր կառույցների նկատմամբ տոտալ վերահսկողությունը և վերագրվում էր «նախկիններին»(Մեր կազմակերպությունն էլ է միամտաբար հավատացել դրան)։

Իսկ ինչե՞ր կատարվեցին, նույն ստի և կեղծիքի հեղափոխությունից հետո։ Շատ հետու չգնանք (դատարանների շրջափակում, Աժ շրջափակում, ՍԴ կազմաքանդում և այլն): Անդրադառնանք միայն վերջերս կատարված իրադարձություններին։ Անօրինական կարգով ԲԴԽ անդամ է նշանակվում Գագիկ Ջհանգիրյանը։ Այնուհետև քրեական գործ է թխվում ԲԴԽ նախագահ Ռուբեն Վարդազարյանի նկատմամբ։ Գագիկ Ջհանգիրյանը զավթում է ԲԴԽ նախագահի պաշտոնը և չնայած դատական կայացած ակտի, ըստ որի վերականգնում է Ռուբեն Վարդազարյանի, որպես ԲԴԽ նախագահի պաշտոնը, այն շարունակում է մնալ զավթված։ ՀՀ վարչապետը հրաժարական է տալիս, բայց անօրինական ձևով շարունակում է զավթած պահել պաշտոնը, որպես պաշտոնակատար։ «Ընտրություններից» հետո սկսվում է տոտալ հարձակումը համայնքապետերի նկատմամբ , ըստ էության, համայնքների զավթումը։Պետության զավթումը շարունակվում է,բայց, «պետության զավթման» դեմ նախկինում պայքարողներն, այս երևույթն այսօր ծափահարում են։

Նյութի աղբյուր՝ https://www.facebook.com/permalink.php?story_fbid=1169206413578709&id=100014680840236