Տպել
Արմենիա ԲԿ-ն ֆեյսբուքյան էջում հայտնում է.
«Խորը ցավով հայտնում ենք, որ կյանքից հեռացել է «Արմենիա» հանրապետական բժշկական կենտրոնի պոլիկլինիկայի վարիչ, թերապևտ Ստելլա Հովհաննիսյանը։
Չափազանց ծանր և դժվար է սփոփանքի խոսքեր գտնել գործընկերոջ կորստի դեպքում։ Իր մարդկային նկարագրով, իմաստնությամբ, բոլորի հետ հաղորդակցվելու կարողությամբ ու անկեղծությամբ նա վայելում էր ամբողջ կոլեկտիվի սերն ու հարգանքը:
Թող Աստված լույսի և խաղաղության մեջ պահի կյանքով լեցուն մեր սիրելի Ստելլա Հովհաննիսիյանի հոգին և սփոփի բոլորիս:
Կենտրոնի տնօրինությունը և բուժանձնակազմը ցավակցում է ընտանիքին, հարազատներին, գործընկերներին և միանում նրանց խոր վշտին:
Հոգեհանգստի արարողությունը տեղի կունենա Կոնդի Սուրբ Հովհաննես եկեղեցում, նոյեմբերի 4-ին, ժամը 18։00:
Հուղարկավորության արարողությունը տեղի կունենա նոյեմբերի 5-ին, ժամը 13։00»:
