Արդյո՞ք ՀՀ կառավարությունը, որը մշտապես խոսում է ժողովրդի անունից, վերադարձնելու է այս ամբողջ ընթացքում քաղաքացիների՝ ՊՇՌ թեստերի վրա ծախսած գումարները․ Արամ Վարդևանյան

Մենք ասում էինք, որ պետության պարտականությունը չպետք է դրվի մարդկանց վրա, մարդիկ իրենց հաշվին չպետք է կրեն կորոնավիրուսի ՊՇՌ թեստավորման ծախսերի բեռը։ Այս մասին իր ֆեյսբուքյան էջի ուղիղ եթերում հայտարարեց ԱԺ «Հայաստան» խմբակցության պատգամավոր Արամ Վարդևանյանը՝ պարզաբանելով ՍԴ որոշումը, համաձայն որի՝ հակասահմանադրական ճանաչվեց առողջապահության նախարարի հրամանի՝ ՊՇՌ թեստերը աշխատողների միջոցների հաշվին հանձնելու դրույթը։