Տպել
Երեկվա հանրահավաքի արձագանքները մենք դեռ ստանալու և տեսնելու ենք: Այս մասին favebook-ի իր էջում գրել է ԱԺ «Հայաստան» խմբակցության պատգամավոր, ՀՅԴ անդամ Քրիստինե Վարդանյանը:
Նա, մասնավորապես, նշել է. «Ի՞նչ արեց երեկվա հանրահավաքը և նրա յուրաքանչյուր մասնակիցը.
- Փաստեց, որ իրենք իրենց իշխանություն համարողներին որևէ մեկը նոր զիջումների մանդատ չի տվել։
- Հստակ արձանագրեց, որ տարատեսակ ճնշումների, շանտաժների արդյունքում ժողովրդի թիկունքում ձեռք բերված պայմանավորվածությունները Հայաստանում չեն ընդունվելու
- Միջազգային գործընկերներին ստիպեց լսել Երևանի կենտրոնից հնչող մեկ այլ, այս անգամ ոչ պարտության ձայնը։
Երեկվա հանրահավաքի արձագանքները մենք դեռ ստանալու և տեսնելու ենք։
Բավարա՞ր էր արդյոք հանրահավաքը մեր ծավալած պայքարում հաղթելու համար՝ ո՛չ։
Բավարա՞ր էր այն պայքարի նոր մեկնարկի համար՝ այո՛»:
