«Սերժ Սարգսյանի թողած բանակցային փաթեթում Արցախը չէր լինելու Ադրբեջանի կազմում երբեք»

ՀՀԿ քարտուղար Էդուարդ Շարմազանովը ֆեյսբուքյան էջում գրել է. «Նիկոլի ադրբեջանահաճո սուտ թեզերի բացահայտումը՝ փաստերով։

Նիկոլ, եթե աշխարհը Արցախն Ադրբեջանի մաս էր ճանաչում, ինչու՞ էր 2016-ի հոկտեմբերի 7-ին Ալիեւն ասում՝ փակ դռների հետեւում Ադրբեջանի վրա կա մեծ ճնշում ճանաչել Լեռնային Ղարաբաղի անկախությունը։

Ինչու՞ Ալիեւը հրաժարվեց ստորագրել Կազանի հռչակագիրը/2011թ./,եթե աշխարհը Լեռնային Ղարաբաղն Ադրբեջանի մաս էր ճանաչում։

2009-2013 թթ. ԵԱՀԿ Մինսկի խմբի համանախագահ երկրների ՝ԱՄՆ-ի,ՌԴ-ի ու Ֆրանսիայի նախագահներն ընդունել են հինգ հայտարարություն,ըստ որի Արցախի ժողովրրի ինքնորոշման իրավունքի իրացումը անհքակտելի է։

Սերժ Սարգսյանի թողած բանակցային փաթեթում Արցախը չէր լինելու Ադրբեջանի կազմում երբեք։

Ու դա ,արձագանքելով Փաշինյանի անհեթեթություններին,փաստել է ՌԴ ԱԳՆ -ն ,ԵԱՀԿ Մինսկի խմբի ռուսաստանցի համանախագահ Պոպովը/2021 հունվար/:

Ավելին. ՀՀ-ԵՄ համաձայնագրի առանցքային կետերից է Լեռնային Ղարաբաղի ժողովրրի ինքնորոշնան իրավունքի պարտադիր կամարտահայտությունը,որը վավերացվել է ԵՄ 27 երկրների կողմից։

Ի՞նչ 1991-ի սահմանների ճանաչում։

Ի՞նչ 2007-ի Մադրիդյան սկզբունքներով ճանաչում:

Դա ի՞նչ կապ ունի։

Մադրիդյան սկզբունքները եթե վատն էին,ինչու՞ Ալիեւը միանգամից չէր ստորագրում։

Ինչու՞ ստորագրեց միայն 2008-ին Մայնդորֆում,որը հիմք հանդիսացավ Կազանի փաստաթղթի համար։

Իսկ Կազանից հրաժարվել է Ալիեւը։

Փաշինյանի հնչեցրած «թեզերը» այնքան անհեթեթ են,որ նույնիսկ ադրբեջանական կողմը դրանց մասին չի խոսել։

Ասում են՝ անհնար է Հռոմի պապից ավելի կաթոլիկ լինել,բայց Փաշինյանն Ալիեւից ավելի լավ է պաշտպանում Ադրբեջանի բանակցային ժառանգությունը»։