Տպել
Համացանցում լայն տարածում է գտել մի տեսանյութ, որում Ֆրանսիայի նախագահ Էմանուել Մակրոնը, ի պատիվ Ֆրանսիայի և Եվրոպայի ամենաուժեղ ռեգբիի ակումբներից մեկի՝ «Թուլուզ»-ի հաղթանակի, մի շնչով խմում է մեկ շիշ գարեջուր։ Համապատասխան տեսանյութը Twitter-ում տարածել են օգտատերերը:
Ինչպես գրում է Daily Mail-ը, 45-ամյա նախագահը մտել է հաղթած թիմի հանդերձարան և նշել նրանց հաղթանակը: Այն բանից հեռո, երբ Մակրոնը մի շնչով դատարկել է շիշը, մարզիկները ուրախ բացականչել են:
Աղբյուրը նկատում է, որ Մակրոնի այս քայլին արձագանքները տարբեր էին. ոմանք նշել են, որ դա «շատ գեղեցիկ, ինքնաբուխ պահ էր», իսկ մյուսները դա քննադատել են որպես «թունավոր առնականության» ցուցադրում:
«Թուլուզ»-ի մարզիչ Կլեման Պուատրենոն ասել է. «Ես կարող եմ ձեզ միայն ասել, որ նա լավ ընդունելության է արժանացել»։
Թուլուզի քաղաքապետ Ժան-Լյուկ Մուդենկը տեղական France Bleu ռադիոկայանին ասել է. «Դա շատ գեղեցիկ, շատ ինքնաբուխ պահ էր: Նախագահին առաջարկեցին դատարկել շիշը, և նա դա արեց մի քանի վայրկյանում»:
«Նախագահը պատասխանատվություն է կրում որպես օրինակելի պահվածքի մոդել՝ վարքագծի համար առողջ օրինակ ծառայելու առումով», – BFM հեռուստաալիքին ասել է Բեռնար Բասեթը՝ Ալկոհոլիզմի և թմրամոլության կանխարգելման ազգային ասոցիացիայից:
«Դա անտեղի էր: Կարելի էր դա անել, բայց ոչ տեսախցիկների առաջ», – BFM-ին ասել է բժիշկ և կախվածության մասնագետ Ուիլյամ Լոուենշտեյնը:
Le Président de la République est venu célébrer le 22e bouclier de Brennus du Stade Toulousain et s’est, lui aussi, distingué avec une remarquable performance 😱#Toulouse #FinaleTOP14 pic.twitter.com/q4MTU0yLGJ
— CANAL+ Rugby (@CanalplusRugby) June 18, 2023
