600 գրամ քաշով ծնված, ծայրահեղ ծանր վիճակում գտնվող Սերինեն 90 օր անց հիվանդանոցից դուրս է գրվել

Նկարում Սերինեն է, ծնվելուց հետո 90 օր գտնվել է Էրեբունի ծննդատան նորածնային բաժանմունքում: Նա ծնվել է հղիության 25-րդ շաբաթում, 600 գրամ քաշով, ծայրահեղ ծանր վիճակում:

Երկար ժամանակ շնչել է արհեստական շնչառական սարքով: Այսօր Սերինեն տուն է գնում արդեն 2 կգ քաշով, բժիշկները վիճակը բավարար են գնահատում: Եվ վերջապես իրականացել է մայրիկի երազանքը՝ Սերինեն ևս տոնական է հագնվել:

Այս մասին տեղեկացնում է «Էրեբունի» բժշկական կենտրոնը։