Տպել
Արցախի և Ադրբեջանի շփման գծի հյուսիսային հատվածում Ադրբեջանի զինուժի գնդակոծության հետևանքով վիրավորված «Շանթ» հեռուստաընկերության «Դիրքերում» հաղորդաշարի օպերատոր Դավիթ Աթոյանին վիրահատել են: Այս մասին տեղեկացրեց հաղորդաշարի հեղինակ Արշակ Զաքարյանը:
«Օպերատորը Ստեփանակերտի հոսպիտալում է: Նրա վիճակն արդեն լավ է»,- ասաց նա:
Արցախի և Ադրբեջանի շփման գծի հյուսիսային հատվածում հակառակորդը մայիսի 10-ին հրաձգային խոշոր տրամաչափի զենքերով գնդակոծել է նկարահանող խմբի ավտոմեքենան: Վիրավորվել է հաղորդաշարի օպերատոր Դավիթ Աթոյանը:
