Տպել
Ինչպես հայտնի է՝ օրերս ՀՀ զինված ուժերն անցկացրել է զորավարժություններ «Սմերչ» համակարգերի մարտական կրակով: ՊՆ-ի «Զինուժ» հաղորդման յութուբյան էջում արդեն հասանելի է տեսանյութ, որտեղ երեւում է «Սմերչ»-ի կիրառման դրվագը:
«Սմերչ»-ը համազարկային կրակի ռեակտիվ համակարգ է, որը նախատեսված է հակառակորդի կենդանի ուժի, տեխնիկայի, կայանած ինքնաթիռների եւ ուղղաթիռների, հրամանատարական կետերի, կապի հանգույցների եւ նմանատիպ այլ թիրախների խոցման համար։
Համակարգը կարող է արձակել կասետային, բեկորա-ֆուգասային եւ տերմոբարիկ մարտական մասով օժտված ռեակտիվ արկեր։ Հայաստանը «Սմերչ» համակարգերը ձեռք է բերել Ռուսաստանից: Դրանք ցուցադրվել են ՀՀ անկախության 25-րդ տարեդարձին նվիրված զորահանդեսի ընթացքում:
