Տպել
Այսօր՝ սեպտեմբերի 29-ին, Ճանապարհային Ոստիկանությունում հերթական անգամ ոչնչացվեց 5 տասնյակից ավելի կեղծ համարանիշներ: Ինչպես հայտնում է ֆոտոլրագրող Գագիկ Շամշյանը, Ճանապարհային Ոստիկանության պետ, ոստիկանության գնդապետ Եգոր Կարապետյանի, Ճանապարհային Ոստիկանության պետի տեղակալ ոստիկանության գնդապետ Նորիկ Սարգսյանի գլխավորությամբ «մսաղացին հանձնվեցին» «Ռոբը», «Սերժուլիկը», «Պողոսը», «Բոբը» և այլ «ալիֆռանգի անուններով» կեղծ համարանիշները, որոնք հայտնաբերվել են Ճանապարհային Ոստիկանության ծառայողների կողմից և պարզվել է, որ նշված համարանիշները կեղծ են, իսկ վարորդներն էլ նշված արարքի համար ենթարկվել են վարչական պատասխանատվության:
Երբ Ճանապարհային Ոստիկանությունը նշված համարանիշները առգրավում է, որոշ դատարկագլուխներ սոցիալական ցանցում վայնասուն էին կապում, ասելով, թե՝ «Գաին էդ համարները վերցնում ու իր մոտիկներին է տալիս», մինչդեռ նման դատարկագլուխները այս կադրերը տեսնելուց հետո, երևի թե, երազախաբ կլինեն: Ճանապարհային Ոստիկանության ղեկավար կազմը հատուկ սարք է ձեռք բերել, որով էլ աղում են կեղծ համարանիշները:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով ահմանված կարգով` դատարանի` օրինական ուժի մեջ մտած դատավճռով:
