Տպել
Opera ընկերությունը հայտարարել է iOS-ի համար նոր հավելվածի թողարկման մասին: Այն կոչվում է Opera VPN և թույլ է տալիս օգտատերերին անվտանգ և անանուն կերպով մուտք գործել համացանց, օգտվել հասարակական Wi-Fi ցանցերից։
Հիշեցնենք, որ այս տարվա ապրիլի վերջին ընկերությունը հայտնել էր Opera դիտարկչի համար նախատեսված VPN-ի փորձնական տարբերակի թողարկման մասին:
Հավելվածը հասանելի է մի շարք երկրներում անգլերեն, արաբերեն, ֆրանսերեն, գերմաներեն, ճապոներեն, պորտուգալերեն, ռուսերեն և իսպաներեն լեզուներով: Opera VPN-ում հասանելի են գտնվելու վայրի վիրտուալ տեղորոշման հինգ տարբերակներ` ԱՄՆ, Կանադա, Գերմանիա, Սինգապուր և Նիդերլանդներ:
Այս ամենից բացի հավելվածը թույլ է տալիս արգելափակել համացանցային գովազդը Safari, Chrome և մի շարք այլ հավելվածներում:
ittrend.am
