Տպել
ԱՄՆ-ի Յուտայի նահանգի որբ երեխաների դպրոցի տեսախցիկը գրանցել է այն հուզիչ պահը, երբ սաներից մեկը իմանում է, որ իրեն տանելու են եկել նոր ծնողները: Լսելով նորությունը՝ 11 տարեկան Թաննա Բաթերֆիլդը նետվում է դաստիարակչուհի Ջեքի Ալեքսանդրի վրա և բառացիորեն նրան խեղդում գրկախառնություններով:
Տեսանյութը Ջեքին ինքն է հրապարակել Facebook-ի իր օգտահաշվում: Թաննան իրեն որդեգրած ծնողներին՝ Ֆիշերների ընտանիքին, գիտեր արդեն երկու տարի:
Նրանք կանոնավոր կերպով այցելում էին աղջկան, սակայն բյուրոկրատական քաշքշուկների պատճառով երկար ժամանակ չէին կարողանում ձևակերպել որդեգրման պաշտոնական ընթացակարգը:
Ֆիշեր ամուսինները երկու հարազատ երեխաներ ունեն՝ 13-ամյա Էյդենը և 10-ամյա Մեյսին:
Այժմ նրանք պլանավորում են խնամակալություն ձևակերպել Թաննայի եղբոր ու քրոջ նկատմամբ:
