Տպել
ԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը ֆեյսբուքյան իր էջում գրում է. «Մասնագիտությանս առումով հաճախ եմ զվարճալի նամակներ ստանում: Այսօր առավոտյան նույնպես մի ցնցող նամակ-առաջարկություն ստացա, և ուզում եմ ձեզ հետ կիսվել, քանի որ այն իր տեսակի մեջ ունիկալ է:
Ֆեյսբուքյան օգտատետրերից մեկը գրում է. «Գագիկ ջան բարև ձեզ, մի առաջարկություն ունեմ, իմ հարսանիքը հոկտեմբերի 30-ին է, մենք ուզում ենք, որ դուք վարեք, այսինքն` լինեք, այսպես կոչված, թամադան, որպես մեր կողմից սիրված և ճանաչված դեմք, իհարկե գումարով, ի՞նչ կասեք»:
Ասացեք խնդրեմ, դուք ինձ պատկերացնո՞ւմ եք հարսանիքի թամադա ու կենաց ասելիս:))): Նորապսակներ ջան, թող ձեր կյանքում միշտ տաք օդային հոսանքներ գերակշռեն, կամ ասենք` հարս ջան, հորանցդ տուն գնալուց ոտքերիդ տակ երբեք մերկասառույց չլինի, և այլն)))))»:
