Քաղաքացին, որը սպառնում էր նետվել Երևանի Հաղթանակ կամրջից, տեղափոխվել է ոստիկանություն. shamshyan.com

Երևանի ոստիկանության պետ, ոստիկանության գնդապետ Սարգիս Մարտիրոսյանի հետ հեռախոսազրույց ունենալուց հետո Երևանի Հաղթանակ կամրջի վտանգավոր եզրագիծը հատած և նետվել պատրաստվող քաղաքացին համաձայնել է չդիմել այդ ծայրահեղ քայլին։ Այս մասին հայտնում է shamshyan.com կայքը։

Անցնելով անվտանգ վայր՝ նա ոստիկանների ուղեկցությամբ տեղափոխվել է ոստիկանության Երևան քաղաքի վարչություն։

Հիշեցնենք, որ երիտասարդն անցել էր Երևանի Հաղթանակ կամրջի վտանգավոր եզրագիծը և սպառնում էր ինքնասպան լինել։