Տպել
Արագածոտնի մարզի Աշտարակ քաղաքի հարակից տարածքում, բաց երկնքի տակ ապրող Պողոսյանների համար դա գոյատևելու միակ տարբերակն է: Մոտ 28 տարի է, ինչ սեփական բնակարան չունենալու պատճառով պարբերաբար փոխում են կացարանները: Արդեն 3 օր է, իրենց ողջ ունեցվածքով բնակարան են համարում քարքարոտ, խոնավ, սոցիալ-կենցաղային պայմաններից բացարձակ զուրկ մի տարածք: 28-ամյա Անդրանիկ Պողոսյանը կարծում է, որ իր 68-ամյա մորը՝ Մարուսյա Պողոսյանին պահելու և խնամելու համար անհրաժեշտ է շատ ավելի բարեկարգ միջավայր, սակայն ներկա պահին միակ հնարավորությունը դա է:
SHAMSHYAN.com-ի թղթակցի հետ զրույցոմ 68-ամյա կինը պատմեց իր տեսած ծանր օրերի, ներկա իրավիճակի, ինչպես նաև ապագայի մասին: Նրա խոսքով՝ իր որդին ամեն բան անում էր, աշխատում էր՝ իրենց կենցաղը բարելավելու համար, սակայն ամեն անգամ իրենց տնից դուրս են հանել՝ պատճառաբանելով, որ բնակարանը կամ տարածքը վաճառվում է: Կինը ասաց նաև, որ ունի առողջական խնդիրներ, սակայն նման իրավիճակում այդ ամենը էլ ավելի է սրվելու ու բարդանալու: Այդ պայմաններում նրանց միակ եկամուտը կենսաթոշակն է: Ներկայացնում ենք Անդրանիկի հեռախոսահամարները՝ 093-78-00-71, 094-00-53-50:
