Տպել
Երեկ՝ մարտի 30-ին, խոշոր հրդեհ է տեղի ունեցել Երևանում: Ժամը 22:10-ի սահմաններում արտակարգ իրավիճակների նախարարության Փրկարար ծառայության օպերատիվ կառավարման կենտրոն ահազանգ է ստացվել, որ Աթոյան փողոցի 77 տան տանիքի մի մասում հրդեհ է բռնկվել:
Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են թիվ 2 հրշեջ-փրկարարական ջոկատը՝ 1 մարտական հաշվարկով՝ խմբի պետ Արտակ Լալայանի գլխավորությամբ, և թիվ 3 հրշեջ-փրկարարական ջոկատը՝ 1 մարտական հաշվարկով՝ խմբի պետ Արման Աբրահամյանի գլխավորությամբ:
Մինչ հրշեջների ժամանումը, կրակի տարածման դեմ պայքարել են քաղաքացիները, ովքեր վտանգելով իրենց կյանքը՝ կարողացել են կանխել կրակի տարածումը հարևան տներ, և արդեն ժամանած հրշեջները քաղաքացիների օգնությամբ մարել են առաջացած հրդեհը: ժամանել են նաև «Գազպրոմ Արմենիա» ընկերության աշխատակիցները, Երևանի 1-03 շտապօգնության բժիշկների հերթապահ խումբը, ինչպես նաև «Հայաստանի էլեկտրացանցեր» ընկերության ներկայացուցիչներն ու ոստիկանության Էրեբունու բաժնի օպերատիվ խումբը:
Հրշեջներին ու քաղաքացիներին հաջողվել է կրակն ամբողջությամբ մարել: Ըստ նախնական տեղեկությունների՝ հրդեհի հետևանքով զոհեր և վիրավորներ չկան:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
