Advertisement 1000 x 90

Առաջադրվելու է Բակո Սահակյանի խորհրդականի թեկնածությունը

Հայաստանի խորհրդարանում Սահմանադրական դատարանի դատավորի ընտրություններ կանցկացվեն, այդ մասին հայտարարությամբ հանդես է եկել ԱԺ նախագահ Արա Բաբլոյանը։

«Հայաստանի Հանրապետության Սահմանադրության 166-րդ հոդվածի 1-ին մասի, 213-րդ հոդվածի և «Ազգային ժողովի կանոնակարգ» Հայաստանի Հանրապետության սահմանադրական օրենքի 141-րդ հոդվածի 3-րդ մասի համաձայն՝ Հանրապետության նախագահը Սահմանադրական դատարանի թափուր տեղի համար առաջադրել է Էմիլ Բաբայանի թեկնածությունը:

«Ազգային ժողովի կանոնակարգ» Հայաստանի Հանրապետության սահմանադրական օրենքի 141-րդ հոդվածի 5-րդ մասի համաձայն՝ հայտարարում եմ, որ Սահմանադրական դատարանի դատավորի ընտրության հարցը կքննարկվի մայիսի 2-ին գումարվող Ազգային ժողովի հերթական նիստերի առաջին նիստում», – ասված է ԱԺ նախագահի հայտարարության մեջ:

ՆԿատենք, որ Էմիլ Բաբայանը Արցախի նախագահի խորհրդականն էր, իսկ դրանից առաջ՝ Գլխավոր դատախազի տեղակալը։