Տպել
Արդարադատության նախարարության «Աբովյան» քրեակատարողական հիմնարկում հուլիսի 3-ին կին դատապարտյալների համար կազմակերպվել էր մարզական միջոցառում:
ՀՀ սպորտի և երիտասարդության հարցերի նախարարությունը, ՀՀ արդարադատության նախարարության քրեակատարողական վարչության և Աբովյան քաղաքի քաղաքապետարանի հետ համատեղ ուժերով իրականացված մարզական միջոցառմանը կին դատապարտյալները իրենց ուժերը չափեցին վազքի, հեռացատկի, բազկամարտի, սեղանի թենիսի, դարթսի և վոլեյբոլի մրցումներում:
Թե ինչ է փոխվում այս միջոցառումներով դատապարտյալների կյանքում, «Աբովյան» ՔԿՀ-ի պետ Գայանե Վարդանյանը պատասխանում է. «Ավելի մոտիկ են կանգնում հասարակությանը, փակ դռների արանքից լույս են տեսնում իրենք ու հիմա նման միջոցառումներ հաճախակի են կազմակերպվում»։
«Աբովյան» ՔԿՀ-ում այս պահին կա 111 կին դատապարտյալ, սակայն ոչ բոլորն են կարողանում մասնակցել միջոցառումներին. Խնդիրը երբեմն տարիքն է, առողջությունն ու հաշմանդամություն ունենալը։
Ամբողջությամբ՝ aysor.am
