Տպել
SHAMSHYAN.com-ի տեղեկություններով՝ ոստիկանության Արաբկիրի բաժնի հետաքննչական բաժանմունքի ավագ հետաքննիչ Մեսրոպ Անտոնյանի կողմից նյութեր են նախապատրաստվում երեկ՝ հուլիսի 6-ին, Արաբկիր բժշկական կենտրոնի վերակենդանացման բաժանմունքում 2-ամյա տղայի մահվան փաստով:
Ինչպես հայտնում է ֆոտոլրագրող Գագիկ Շամշյանը, մահացածը Մալաթիա-Սեբաստիա վարչական շրջանի Անդրանիկի փողոցի բնակիչ, Արթուր Ու.-ն է, ով ստացիոնար բուժման մեջ էր գտնվում Արաբկիր բժշկական կենտրոնում: Երեխայի մահվան հանգամանքները պարզելու համար նշանակվել են մի շարք փորձաքննություններ, այդ թվում՝ դիակի դատաբժշկական:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
