Տպել
Apple-ն արդեն սկսել է հատուկ հրավերներ բաժանել հոկտեմբերի 27-ի իր փակ ցուցադրության համար: Այս ընթացքում մի շարք մասնագետներ փորձում են հասկանալ, թե ի՞նչ նորություներ է ներկայացնելու ընկերությունը: Առաջարկում ենք ծանոթանալ մի քանի նորույթների, որոնք, ամենայն հավանականությամբ, կներկայացվեն ընկերության կողմից:
MacBook Pro
Ընկերության ամենասպասված նորույթներից մեկը MacBook Pro-ն է, որի համար էլ իրականանում է այս ցուցադրությունը: Եթե չհաշվենք մասնակի բացառությունները, ապա արդեն 4 տարի է, ինչ Apple-ը չի թարմացրել իր նոութբուքները: Սպասվում է, որ MacBook Pro-ն կլինի հեղափոխական և կունենա գլոբալ փոփոխություններ:
Ըստ նախնական տվյալների՝ ընկերության կողմից ներկայացվող նոր նոութբուքը կլինի ավելի թեթև և բարակ նախորդ նոութբուքներից: Այն նաև կլինի ավելի փոքր:
Նոութբուքի մյուս առանձնահատկությունը կլինի Touch ID համակարգը, որը ներդրված կլինի համակարգիչը միացնելու ստեղնի մեջ: Առանց գաղտնաբառի օգտագործման նոութբուքն ակտիվացնել կարող են բոլորը, այլ ոչ միայն՝ Apple Watch-ի օգտատերերը, ինչպես հիմա:
Ընկերության նոր նոութբուքի մասին դեռևս շատ բան հայտնի չէ, սակայն վերլուծաբանները նշում են, որ պետք է սպասել մեծ անակնկալների:
Thunderbolt Display 5K
Apple-ի ներքին դիսփլեյը չի թարմացվել ավելին քան 5 տարի: Ավելին, այս տարի ընկերությունը պաշտոնապես հանել է այն արտադրանքի ցանկից այս տարի:
Շատ հավանական է, որ ընկերությունը կներկայացնի դիսփլեյի նոր տարբերակ 5 120 × 2 880 ընդլայնմամբ: Այս նորույթը կլինի 1000 դոլարից էժան:
MacBook Air
Ամենայն հավանականությամբ, ընկերությունը կհայտնի այս տեսակի վաճառքի դադարեցման կամ վաճառքի ծավալների նվազման մասին: 11-դյույմանոց նոութբուքերն ընդհանրապես չեն թարմացվի, իսկ 13-դյույմանոց տարբերակներում կփոփոխվեն միայն USB-ի համար նախատեսված անցքերը:
Այս քայլով ընկերությունը ցանկանում է ավելի շատ ուշադրություն դարձնել MacBook Pro-ին:
iMac
Եթե հավատանք շշուկներին, ապա iMac-ում կփոփոխվեն միայն օպերատիվ պլատֆորմները: MacBook Pro-ի նման iMac-ը կստանա պրոցեսորների նոր տարբերակներ:
Առհասարակ, Apple-ը պատրաստում է մի շարք անակնկալներ: Ըստ շշուկների՝ հիմնական շեշտը դրված է լինելու MacBook Pro-ի և նոր աքսեսուարների վրա:
Սիրարփի Աղաբաբյան
