Apple-ն սկսել է հրավերներ ուղարկել նոր iPhone-ների շնորհանդեսի համար
Advertisement 1000 x 90

Apple-ն սկսել է հրավերներ ուղարկել նոր iPhone-ների շնորհանդեսի համար

Apple ընկերությունն սկսել է հրավերներ ուղարկել ԶԼՄ-ների աշխատակիցներին սեպտեմբերի 12-ին պլանավորված շնորհանդեսի համար, որտեղ, ինչպես սպասվում է, կներկայացվեն iPhone սմարթֆոնների նոր մոդելներ: Այդ մասին հայտնել է The Verge ինտերնետ-պորտալը:

Միջոցառումը կկայանա Քուփերթինոյում (Կալիֆոռնիայի նահանգ): Հրավիրագրերում տվյալներ չկան, թե ինչ սարքեր են ցուցադրվելու շնորհանդեսին:

Ավելի վաղ Bloomberg գործակալությունը հայտնել է, որ Apple կորպորացիան պլանավորում է սեպտեմբերին ներկայացնել iPhone-ի երեք նոր մոդելներ: Նշվում է, որ նոր սարքերի դիզայնը լուրջ փոփոխությունների չի ենթարկվի նախորդ մոդելների համեմատությամբ: Այս անգամ Apple-ը որոշել է նոր iPhone-ները բաժանել տարբեր գնային կատեգորիաների, որպեսզի գրավի տարբեր կարողության տեր գնորդների և ավելացնի վաճառքների ծավալները:

Ինչպես գրում է Bloomberg-ը, D33 կոդային անվանումը կրող երեք նոր մոդելներից մեկը կստանա 6,5-դյույմանոց OLED-դիսփլեյ, մետաղյա շրջանակով ապակե պանել, կրկնապատկված խցիկ: Դա սարքն ամենախոշոր սմարթֆոնը կդարձնի այսօրվա դրությամբ:

Նորույթների տեսակետից՝ նոր iPhone-ի օպերացիոն համակարգում կհայտնվի կոնտենտի դիտման գործառույթ տարբեր հավելվածներից:
D32 կոդային անվանումը կրող մյուս մոդելը կդառնա iPhone X-ի բարելավված տարբերակը, որը կօժտվի ավելի մեծ արտադրողականությամբ և ավելի լավ խցիկով:

Նոր շարքի երրորդ մոդելը կդառնա iPhone 8-ին փոխարինողը՝ N84 կոդային անվանմամբ: Նոր սարքն ավելի էժան կլինի իր հնացող նմանօրինակից, բայց դրանում նույնպես կփոխարինվեն առանձին դետալներ: Մասնավորապես, N84-ը կունենա 6,1 դյույմանոց LCD Էկրան, իսկ չժանգոտվող մետաղից պատրաստված կորպուսը կփոխարինվի ալյումինե կորպուսով:

Գործակալությունը նաև հայտնում է, որ iPhone-ի բոլոր նոր մոդելները կստանան ժեստերով կառավարման գործառույթ, որը կփոխարինի սմարթֆոնի էկրանի Home կոճակին: Բացի այդ, մի քանի երկրներում նոր սմարթֆոնները կվաճառվեն երկու սիմ-քարտերով: