Տպել
Աշոտ Ասատրյանի գրառումը. «Սեպտեմբերի 4-ին Ադրբեջանի նախագահ Իլհամ Ալիևը ստորագրել է հերթական զորակոչ-զորացրում կատարելու մասին հրամանագիրը։ Ըստ հրամանագրի՝ 2018 թվականի հոկտեմբերի 1-30-ը պարտադիր զինծառայության են զորակոչվում 18-ը լրացած, 2000 թվականին ծնված, ինչպես նաև մինչև 35 տարեկան՝ 1983-1999-ին ծնված ԱՀ քաղաքացիները։
Ինչպես նախորդ տարիներին այս տարի նույնպես հրամանագրի ստորագրումից հետո Ադրբեջանում ներքին հրամանով ոստիկանության ուժերը բռնի կերպով ձերբակալում են բոլոր այն երիտասարդներին, ովքեր այս ընթացքում փորձում են խուսափել բանակում ծառայելուց։ Նրանք սովորաբար վատ սոցիալական պայմաններում ապրող ադրբեջանցիներն են, ովքեր բանակում ծառայում են, որպես կենդանի թիրախ՝ առաջնագծում։
Երիտասարդները ձերբակալվում են իրենց տներից, փողոցներից և աշխատանքի վայրերից։ Շատ հաճախ նրանց օգնության են փորձում հասնել իրենց ծնողները, ովքեր պարբերաբար բղավում են, որ իրենք չեն ցանկանում որպեսզի իրենց որդիները մեռնեն Ղարաբաղի համար»։
