Հայաստանն ու Բուլղարիան ՏՏ ոլորտում կստեղծեն գործարար կապեր

ՀՀ կառավարությունը հավանություն տվեց 2018 թ. փետրվարի 12-ին Երևանում ստորագրված «Հայաստանի Հանրապետության կառավարության և Բուլղարիայի Հանրապետության կառավարության միջև տեղեկատվական տեխնոլոգիաների և կապի ոլորտներում համագործակցության մասին» համաձայնագիրը հաստատելու մասին» ՀՀ նախագահի հրամանագրի նախագծին:

Ըստ նախագծի հիմնավորման, համաձայնագիրը հնարավորություն է տալիս զարգացնել Հայաստանի Հանրապետության և Բուլղարիայի Հանրապետության պետական կառավարման մարմինների միջև փոխադարձ համագործակցությունը:

Այն կնպաստի նաև երկու երկրների տեղեկատվական տեխնոլոգիաների և կապի ոլորտում գործարար կապերի ստեղծմանը՝ ներգրավված ընկերությունների և կազմակերպությունների միջև: