Տպել
Ներկայացնում ենք իրանագետ Վարդան Ոսկանյանի ֆեյսբուքյան գրառումները.
«Մեր հարևան Իրանը, լինելով, ըստ էության, վերէթնիկական պետական կազմավորում, որի պետականությունն արդեն դարեր շարունակ ձևավորվում է ոչ թե էթնիկական որևէ միավորի, այլ հենց Իրանի գաղափարի առանցքի շուրջ, այսուհանդերձ ունի չափազանց հետաքրքրական առանձնահատկություններ, որոնց ի մոտ ծանոթ լինելը շատ դեպքերում կարող է չափազանց օգտակար լինել նաև գործնական և միջանձնային հարաբերությունների հաստատման տիրույթում։
Խոսքը մասնավորապես վերաբերում է Իրանի պետական զանազան մարմինների որոշիչ դիրքերում այս կամ այն էթնիկական կամ տեղային խմբի ներկայացուցիչների ներգրավվածությանը, որոնց «ազգայնականությունը» հոգեբանական մակարդակում կարելի է շոյել և դրա հետևանքով նաև բանակցային գործընթացներում ստանալ հաճախ անսպասելի թվացող դրական արդյունքներ:
Ասենք, օրինակ, Իրանին քաջածանոթ մասնագետը տեղյակ է, որ, դիցուք, այդ երկրի հատկապես տնտեսական ոլորտում արտաքուստ այնքան էլ չերևացող, բայց վճռորոշ դերակատարներից է հայոց Արշակ Բ արքայի վերջին հանգրվանը դարձած Դիզֆուլ քաղաքի բախտիարներից սերող Մոհամմադ Մոխբերը կամ որ Իրանի ԶՈՒ Գլխավոր Շտաբի պետ և ռազմական ոլորտում լրջագույն դերակատարություն ունեցող Մոհամմադ Հոսեյն Բաղերին ատրպատականցիների ենթաէթնիկ խումբ շահսևաններից է, ում հայրենի գյուղը գտնվում է ՀՀ սահմանից ուղիղ գծով 100 կմ-ից էլ պակաս հեռավորության վրա»։
#մերհարևանԻրանը #ճանաչիրհարևանից
***
«Ամեն անգամ, երբ Ն․ Փաշինյանի ֆեյսբուքյան էջում, դիցուք, Յակուտիայի պատվավոր քաղաքացի հերթական մեր հայրենակիցը նրան դիմում ա «ջիգյար» բառով, պետք ա մտածի, որ էջը մշտադիտարկող որևէ արևմտյան դեսպանատան՝ ամերիկաներում կրթություն ստացած թարգմանիչը կարող ա էդ բառը փոխանցի ուղղակի «լյարդ» ձևով, իսկ մշտադիտարկման արդյունքները կարդացող տվյալ երկրի դիվանագետը կամ հատուկ ծառայության աշխատակիցը խորը մշակութային շոկ կապրի 
:)»:
