Տպել
Էլեկտրոնային ավտոմեքենաներ արտադրող ամերիկյան Tesla Motors ընկերությունը ներկայացրել է տան համար նախատեսված արևային էներգիան գեներացնող տանիք:
Աշխատանքը կատարվել է SolarCity ամերիկյան էներգետիկ ընկերության հետ համատեղ:
Նոր հայտնագործությունը պետք է աշխատի ավելի արդյունավետ և պետք է ավելի գրավիչ տեսք ունենա, քան սովորական արևային մարտկոցները, հայտարարել է Tesla-ի հիմնադիր Իլոն Մասկը հոկտեմբերի 28-ին Լոս Անջելեսում տեղի ունեցած շնորհանդեսի ժամանակ:
Նոր համակարգի յուրահատկությունն այն է, որ տանիքն իրենից ներկայացնում է ամբողջական արևային վահանակ, այլ ոչ թե առանձին հատվածներ, որոնք ամրանում են տանիքին:
«Այսպիսի տանիքները պետք է ավելի գրավիչ տեսք ունենան, քան սովորական տանիքները, պետք է ավելի դիմացկուն լինեն, ավելի արդյունավետ կատարեն մեկուսացումը»,- Իլոն Մասկի խոսքերն է մեջբերում Reuters-ը:
Tesla-ն ներկայացնելու է 4 տարբեր ոճերի արևային վահանակներ: Դրանք պատրաստված են բարձր դիմացկունություն ունեցող ապակիներից և գունավոր ժապավեններից: Այսպիսի տանիքները հասանելի կլինեն 2017 թվականին:
168.am
