Փաստորեն՝ Վիգեն Չալդրանյանին հանելն ավելի դժվար է, քան մի ամբողջ աշխատակազմի ցանկությունը հաշվի առնե՞լը. Արման Նավասարդյան. life.panorama.am
Advertisement 1000 x 90

Փաստորեն՝ Վիգեն Չալդրանյանին հանելն ավելի դժվար է, քան մի ամբողջ աշխատակազմի ցանկությունը հաշվի առնե՞լը. Արման Նավասարդյան. life.panorama.am

Սոս Սարգսյանի անվան համազգային թատրոնի նոր գեղարվեստական ղեկավարի և թատրոնում ստեղծված լարված վիճակի մասին Life.panorama.am-ն արդեն պատմել է: Դեկտեմբերի 1-ից համազգայինի դերասաններն անժամկետ գործադուլ են հայտարարել՝ պահանջով, որ թատրոնի տնօրեն Վիգեն Չալդրանյանը հեռանա թատրոնից և գեղարվեստական ղեկավարի և տնօրենի պաշտոնները զբաղեցնեն իրենց թեկնածուները՝ Նարինե Գրիգորյանն ու Արման Նավասարդյանը: Վերջինս Life.panorama.am-ի այսօրվա զրուցակիցն է, նա խոսել է թատրոնում ստեղծված լարված վիճակի, Սուրեն Շահվերդյանի հայտարարության, ըստ որի իր հետ աշխատել չցանկացող դերասանները կարող են հեռանալ թատրոնից, և դերասանական կազմի ծրագրերի մասին:

«Նախ պետք է շեշտել, որ մեր գործադուլն ու բողոքը ուղղված է Վիգեն Չալդրանյանին, մենք Սուրեն Շահվերդյանի դեմ ոչինչ չունենք, նա Վ. Չալդրանյանի նշանակած մարդն է, նա ինքնակամ որոշման արդյունքում է նշանակվել, հետևաբար դեմ ենք նաև Վիգեն Չալդրանյանի ինքնակամ որոշումներին ու Սուրեն Շահվերդյանին չենք ընդունում՝ որպես մեզ ղեկավար: Վ. Չալդրանյանը հետաքրքիր քայլ արեց՝ նա կամայական նշանակեց մեկին, որպեսզի իր նկատմամբ բողոքը թուլացնի՝ չպատկերացնելով, որ մենք միամիտ չենք»,- նշեց նա:

Արման Նավասարդայնը շեշտեց, որ ստեղծագործական խմբի միահամուռ ցանկությունն է իրեն տեսնել տնօրենի, իսկ Նարինե Գրիոգրյանին՝ գեղարվեստական ղեկավարի պաշտոնում:

«Մենք չենք ինքնաառաջադրվել: Մենք երկուսս էլ զբաղված դերասաններ ենք, բայց պատրաստ ենք մեր զբաղվածությունը պակասեցնել, հրաժարվել շատ առաջարկներից՝ հանուն մեր թատրոնի ապագայի ու վերակառուցման»,- նկատեց նա:

Ամբողջությամբ՝ life.panorama.am