Աբովյանում «Շշի Մելո» մականվամբ նախկին պատգամավորի քրոջ տղան վրաերթի է ենթարկել հետիոտնին. նա փախուստի չի դիմել. shamshyan.com
Advertisement 1000 x 90

Աբովյանում «Շշի Մելո» մականվամբ նախկին պատգամավորի քրոջ տղան վրաերթի է ենթարկել հետիոտնին. նա փախուստի չի դիմել. shamshyan.com

Այսօր՝ դեկտեմբերի 15-ին, վրաերթի է տեղի ունեցել Կոտայքի մարզում։ Ժամը 12։20-ի սահմաններում Աբովյան քաղաքի 3-րդ միկրոշրջանի բնակիչ՝ 32-ամյա Ռոմեն Հարությունյանը իր վարած Mercedes մակնիշի 05 RP 555 համարանիշի ավտոմեքենայով վրաերթի է ենթարկել Աբովյան քաղաքի բնակիչ՝ 61-ամյա Լուսյա Լալաբեկովային։

Ինչպես Կոտայքի մարզից հայտնում է ֆոտոլրագրող Գագիկ Շամշյանը, վարորդը փախուստի չի դիմել, վրաերթի ենթարկվածին իր ավտոմեքենայով տեղափոխել է «Աբովյան» բժշկական կենտրոն, որից հետո կատարվածի մասին տեղեկացրել է ոստիկանության Կոտայքի բաժին։ Հիվանդանոց են ժամանել Ճանապարհային Ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ վաշտի հրամանատար Արթուր Պետրոսյանի գլխավորությամբ։

Փաստի առթիվ նույն վաշտի ավագ հետաքննիչ Ավետիք Ավետիսյանի կողմից նյութեր են նախապատրաստվում։ Վարորդը ենթարկվել է սթափության փորձաքննության. պարզվել է, որ նա ավտոմեքենան վարել է սթափ վիճակում։ Հետաքննիչի հանձնարարականով ավտոմեքենան տեղափոխվել է Ոստիկանության Կոտայքի բաժնի հատուկ պահպանվող տարածք։ Գ. Շամշյանի տեղեկություններով՝ վարորդ Ռ. Հարությունյանն Ազգային ժողովի նախկին պատգամավոր, «Շշի Մելո» մականվամբ Մելիքսեթ Մանուկյանի քրոջ տղան է, ով աշխատում է «Թավշյա լազուր» ՍՊԸ-ում՝ որպես տնօրեն։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

shamshyan.com