Տպել
Արցախցի լրագրող Բելլա Լալայանը ֆեյսբուքյան իր էջում գրել է.
«ՀՀ վարչապետ Կարեն Կարապետյանին խնդրեցի գնահատական տալ ՀՀ առողջապահության նորանշանակ նախարարի՝ Լևոն Ալթունյանի՝ «Ես մեկ-երկու մահացած ծննդկանի դեպքով չեմ զբաղվում, դրանով զբաղվում են «դատական մարմինները, մորգը» հայտարարությանը:
«Եթե նա նման բան է ասել, ուրեմն ես նրան մինչ այդ չեմ ճանաչել …
իսկ ես համարում եմ նրան լավ մարդ, բարոյական մարդ, որպես պոտենցյալ կառավարիչ, ով կարող է առողջապահության համակարգում փոփոխություններ անել, որոնք ուղղված կլինեն մարդուն, քաղաքացուն բավարարելուն և ադմինիստրատիվ կառավարման թերությունները շտկելուն»,-հարցին պատասխանել է ՀՀ վարչապետը, ու ավելացրել, որ ՀՀ առողջապահության նախարարի հայտարարությունը անձամբ չի կարդացել, սակայն նրա այդ խոսքերի մասին տեղեկանալուն պես՝ առավոտյան խոսել է Լևոն Ալթունյանի հետ:
Հիշեցնենք, որ երեկ լրագրողների հետ զրույցում ՀՀ Առողջապահության նորանշանակ նախարար Լևոն Ալթունյանը, ի պատասխան հարցի, ասել է blog.168.am, որ չի պատրաստվում զբաղվել հիվանդանոցներում ծննդկանների հաճախակիացած մահվան դեպքերով և նոր ուսումնասիրություններ կատարել այդ հիվանդանոցներում:
Նաև հիշեցնենք, որ վերջերս ծննդկան էր մահացել Վանաձոր ԲԿ-ում, ավելի վաղ նման մահվան դեպքեր էին գրանցվել «Սլավմեդում» ու «Շենգավիթ» ԲԿ-ում:
«Ես մեկ-երկու մահացած ծննդկանի դեպքով չեմ զբաղվում, դրանով զբաղվում են դատական մարմինները»,- հայտարարել է նախարար Ալթունյանը, որից հետո հասարակության լուրջ բողոքի ալիք բարձրացավ: Որոշ քաղաքացիներ նույնիսկ օբյեկտիվորեն սկսեցին պահանջել նրա հրաժարականը:
Քաղաքագետ Գագիկ Համբարյանը ֆեյսբուքյան իր էջում նրա այդ հայտարարությունից հետո գրել էր blog.168.am :
«Մեր «министр здравоохранения»-ն զավեշտալի կերպար է: Վաղուց էր պարզ, որ Կարեն Կարապետյանի կառավարության խնդրահարույց նախարարներից մեկը` առողջապահության նախարար Լևոն Ալթունյանն է… Առողջապահության սույն մենեջերը ի սկզբանե աչքի ընկավ իր ցինիկ պահվածքով՝ բոլորին վերեց էր նայում և դասեր տալիս…
Այնպիսի տպավորություն էր, որ Լ.Ալթունյանը ժամանել է ԱՄՆ-ից և ինչ-որ Նիգերում կամ Բուրկինա-Ֆասոյում նախարար է նշանակվել… Սակայն նրա երեկվա պահվածքն արդեն վերջն էր… ԱԺ-ում լրագրողների հարցերին պատասխանելիս այս ինքնահավանը ցուցադրել է իր անդաստիարակ և անմակարդակ լինելու փաստը ևս…
Մահացած ծննդկաններին վերաբերող հարցերի, սա տվել է հետևյալ պատասխանը. «Ես մեկ-երկու մահացած ծննդկանի դեպքով չեմ զբաղվում, դրանով զբաղվում են դատական մարմինները: Իմ համակարգը ամբողջ համակարգն է, ոչ թե մեկ-երկու բողոքավոր ծննդկանի բարեկամները։ Հասկացեք դա վերջապես: Մահվան դեպքում զբաղվում է դատավորը, մորգը…»:
Հետաքրքիր է, իսկ Ալթունյանը նույն պատասխանը կտա՞ր, եթե նույն խնդրի հետ հենց իր ընտանիքը առնչվեր… Անմակարդակ նախարարը չի հասկանում, որ իր պահվածքով վիրավորում է ԲՈԼՈՐԻՍ…
Պարզվեց, որ նախարար Լևոն Ալթունյանի համար մարդը տարրական անասուն է, քանի որ նա մարդկանց հաշվում է գլխաքանակով… Լրագրողների մյուս հարցին, որը վերաբերվում էր իր 8 խորհրդական ունենալու հանգամանքին, անլիարժեքության բարդույթով տառապող министр здравоохранения-ն պատասխանել է. «Ես այսօր կհաշվեմ դրանք և մենք կանդրադառնանք դրան մեր մյուս հանդիպմանը»:
